ಶಿವಮೊಗ್ಗ :- ನಗರದ ಪ್ರತಿಷ್ಠಿತ ಭಾರತ್ ಸಿನಿಮಾಸ್‌ನಲ್ಲಿ ಇಂದು ಅನ್ಲಾಕ್ ರಾಘವ ಕನ್ನಡ ಚಲನ ಚಿತ್ರದ ಟೈಟಲ್ ಟ್ರ್ಯಾಕ್ ಅನ್ನು ಬಿಡುಗಡೆಗೊಳಿಸಲಾಯಿತು.
ಸೂಡಾ ಅಧ್ಯಕ್ಷ ಹೆಚ್.ಎಸ್. ಸುಂದರೇಶ್ ಸಮಾರಂಭ ಉದ್ಘಾಟಿ ಸಿದರು. ಮಾಜಿ ಸಚಿವ ಆರಗ eನೇಂದ್ರರ ಉಪಸ್ಥಿತಿಯಲ್ಲಿ ಟೈಟಲ್ ಟ್ರ್ಯಾಕ್ ಬಿಡುಗಡೆಗೊಳಿಸಿ ಮೊದಲ ಪ್ರದರ್ಶನ ಮಾಡಲಾಯಿತು. ಉದ್ಯಮಿಗಳಾದ ಮದನ್ ಗೌಡ್ರು ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡಿದ್ದರು. ತೀರ್ಥಹಳ್ಳಿ ಮೂಲದ ನಾಯಕ ಮಿಲಿಂದ್‌ಗೌತಮ್ ಮಾತನಾಡಿ, ಮಲೆನಾಡಿನ ಪ್ರತಿಭೆಗೆ ಪ್ರೋತ್ಸಾಹಿಸಿ ಎಂದು ಮನವಿ ಮಾಡಿದರು.
ಮಯೂರ ಮೋಷನ್ ಪಿಕ್ಚರ್ಸ್‌ನ ಡಿ. ಮಂಜುನಾಥ ಹಾಗೂ ಗಿರೀಶ್‌ಕುಮಾರ್, ಸಿನಿಮೊಗೆ ಶಿವಮೊಗ್ಗ ಚಿತ್ರ ಸಮಾಜದ ಸಂಚಾಲಕ ವೈದ್ಯನಾಥ್ ಹೆಚ್. ಯು. (ವೈದ್ಯ), ಚಲನಚಿತ್ರ ನಿರ್ಮಾಪಕ ಕಿಳಂಬಿ ಮೀಡಿಯಾ ಲ್ಯಾಟ್ ಪ್ರವೈಟ್ ಲಿಮಿಟೆಡ್‌ನ ರಾಜೇಶ್ ಕಿಳಂಬಿ, ಕೆಂಪಣ್ಣ ಪ್ರೊಡಕ್ಷನ್‌ನ ಚಂದ್ರು ಕೆ. ಗೌಡ, ಶುಭಂ ಹೋಟೆಲ್‌ನ ಚಂದ್ರಹಾಸ ಶೆಟ್ಟಿ, ಜೆಸಿಐನ ವಲಯ ಅಧ್ಯಕ್ಷ ಸಿ.ಎ. ಗೌರೀಶ್ ಭಾರ್ಗವ್, ಪಾಲಿಕೆ ಮಾಜಿ ಉಪಮೇಯರ್ ಪಾಲಾಕ್ಷಿ, ಮಹಾರಾಜ ಗೃಹ ವೈಭವದ ಗಣೇಶ್ ಪ್ರಸಾದ್, ನೆಸ್ಟ್ ಹೋಂ ಸ್ಟೇನ ಶ್ರೀನಾಥ್ ಜೋಯಿಸ್, ನಾಗೇಂದ್ರ ಜೋಯಿಸ್, ತೀರ್ಥಹಳ್ಳಿಯ ಪಿ. ಸುಧೀರ್ ರಾವ್, ಭಾರತ್ ಸಿನಿಮಾಸ್‌ನ ಪುರುಷೋತ್ತಮ ಪೂಜರಿ, ಸ್ಟೆ ಲ್ ಡ್ಯಾನ್ಸ್ ಕ್ರೂವ್‌ನ ಶಶಿಕುಮಾರ್, ಶಿವಮೊಗ್ಗ ಸಿನಿಮಾಸ್ ಅಡ್ಡ ಸಂಸ್ಥೆಯ ರಘು ಗುಂಡ್ಲು , ಕುಟ್ಟಿ ಸಿನಿಮಾದ ಎಂ. ಮುರಳಿ ಉಪಸ್ಥಿತರಿದ್ದರು.
ಪೃಥ್ವಿ ಕಾರ್ಯಕ್ರಮ ನಿರೂಪಿಸಿದರು. ಚಿತ್ರಕ್ಕೆ ಜೆ. ಅನೂಪ್ ಸೀಳಿನ್ ಸಂಗೀತ ಸಂಯೋಜನೆ, ವಿಜಯ್ ಪ್ರಕಾಶ್‌ರವರ ಗಾಯನ, ಪ್ರಮೋದ್ ಮರವಂತೆರವರ ಸಾಹಿತ್ಯ, ಮುರಳಿ ನೃತ್ಯ ಸಂಯೋಜನೆ ಇದೆ. ಸ್ಯಾಂಡಲ್‌ವುಡ್ ಭರವಸೆ ನಾಯಕ ಮಿಲಿಂದ್, ಲವ್ ಮಾಕ್ಟೇಲ್ ೨ ಬೆಡಗಿ ರಚೆಲ್ ಡೇವಿಡ್ ನಾಯಕ ನಾಯಕಿಯಾಗಿ ಅಭಿನಯಿಸಿದ್ದು, ಮಯೂರ ಮೋಷನ್ ಪಿಕ್ಚರ್ಸ್ ಬ್ಯಾನರ್ ಅಡಿ ಮಂಜುನಾಥ ಡಿ. ಹಾಗೂ ಗಿರೀಶ್ ಕುಮಾರ್ ಜಂಟಿಯಾಗಿ ನಿರ್ಮಿಸಿದ್ದಾರೆ.